Gonjang ganjing kayak di dunie perwayangan aje nie tapi namenye lakon menangnye terakhir. Kalo ane liat ini semue ambisi pribadi aje padahal ye namenye di BnR itu kudu punye hati yang bersih pikirannye sehat. Bukannye mau mencari celah gimane yang punye dibuat kagak berkutik terus nyari keuntungan untuk pribadi. Ye dimane – mane yang punye rumah kalo diacak acak ame yang numpang nginep ye pasti ngamuk donk siape aje. Ini die yang numpang kagak sadar beranggapan die yang punye rumah. Kalo kite ngekos ye ikutin yang punye kos donk coii kenape malah punye pikiran mau jadi bapak kos nye mati rabit nyadar kenape coy.
Ude begitu yang kos pade mau diajakin pade keluar cari kos yang laen. Jelas kagak mau orang di kos yang ini enak ude jelas tinggal nurutin aje aturan kos kosan ude aman. Kalo di tempat kos laen ye kalo ade kamar kosong ude ade kamar kosong same kagak fasilitasnye ame tempat kos lame. Ude hidup mah kagak use neko neko dah biase aje kalo kate orang betawi mah kudu nyadar diri kite siape die siape gito lo.
