Ini die neh kenape pade lomba gede maunye EO pade pake Juri BnR yeee. Kayak nie yang Jayakarte belom lagi Jagat, ade lagi IBC selanjutnye tahun depan AREMA di Malang.
Tuh kudu bangge tu Juri BnR gimane percayenye orang pade elu semue. Kudu dijage tuh kualitas elu pade jage tuh kepercayaan Kicaumanie. Suseh lo orang pade mau percaye ame Juri kalo lo kagak beres.
Ye ape mau dikate emang di kacamate Kicaumanie rasa aman hatinye kalo Juri BnR yang tugas. Tapi jangan salah juga tu yang didik para pakar burung gimane kagak ciamik kerjenye Juri BnR. Emang namanye manusie ade aje sih yang ngetes main api. Langsung aje ame Babe Boy dilungsurin ame die alias dipecat.
Rasa kepercayaan Kicaumanie kudu lu pade jage ampe kapanpun. Ame tuh Kualitasnye pade ditingkatin ilmu burungnye. Kemudian Pakemnye BnR luh cantelin terus di kepale lu pade biar kagak error. Ude gitu elu pade hati-hati nie pasukan Juri BnR. Ane kasih bocoran aje lu pade .. Sekarang Juri BnR ade 400 an gile mati rabbit. Kagak beres luh punye kelakuan bise dikubur lu ame Babe Boy.
