Ade aje akalnye burung kalo kalah ngerol nyalahin burung orang nyalahin jurinye. Kapan bise menang kalo bisenye cuman komentar sini sono nyari kesalahan yang kagak ade yang salah. Ane cuma nyaranin aje jangan terlalu PD ame burung sendiri dah tanpa ngeliat burung punye orang. Kagak ade burung yang kagak kepantau ame namanye juri mau buktinye. Liat no rekapannye ade kagak tulisannye di nomernye kalo kosong baru cuap cuap kayak anak ayam.
Orang yang laen pade ngerawat serius burung memang dipelihare dengan bener. Lah kite ngerawatnye asal inget aje kapan kasih makan kapan die dimandiin. Kalo ane jangan nyari kambing hitam tapi nyari rawatannye kenape burung bisa begitu kalo ude digantangin itu lebih baik. Dari pade ngoceh kagak karuan malah orang pade ngeliat dan yang bace keliatan begonye.
