Nie die baru dapet cerite kalo bahase kerennye pade curhat tuh Kicaumanie ame ane. Pade kagak ngertie kali ye ane kan cuman tukang nyontong aje di dunie burung ini.
Jadi alkisahnye begini ne ade Kicaumanie nanye ame ane kenape lombe diluar BnR yang berkuase pade Korlap semue? Jadi ape tuh fungsi Jurinye ape hanye pajangan kayak boneka Indie aje tu Juri. Ane jawab aje eee elo kagak ngerti kali ye kalo diluar lomba BnR tuh Juri jadi peragawan doank coiii.. Kayak lagunye abang kite si Iyek (Achmad akbar) hanye sandiware aje .
Tapi elu pade bego sih ude tau kayak begono masih aje elu pade dateng. Terus kalau kusut elu tanye ke gue kenape kagak elu tanye ame yang namanye Korlap. Makanye ini ane saran aje kalo lomba ude kayak gitu dari pade elu dateng stroke. Lebih baik elo jalan-jalan ame anak bini atau yang punye gebetan jalan ame gebetanye
