Kudu ade perubahan nie para pengadil dilapangan BnR.. Emang ape pade seneng tu peserte dapat Juara ke IV ape ke IX? Kagak seneng empet malah iye no cuma dapet kertas kacang doang. Ane kalo liat nie Juri aje kalo ngajuin nominasi paling banyak juga 6 nominasi. Ape lagi yang ditancep bendera juga kan cume ajuan Juri aje kenape jadi banyak begitu siape yang kasih nominasi.
Info yang ane dapet itu si pengawas yang obral nominasi ape maksud and tujuannye? Ude dari pade kagak beres tu nominasi ude Pengawas jadi Pengawas aje. Kagak use ngajuin nominasi ngeliat burung aje sepintas aje kagak kayak juri atu atu liat burungnye.
Lombe serahkan aje penilaiannye ame IP, Korlap ame Juri aje dah tahun 2016 ini. Ude duduk manis ngawasin aje sesuai jabatannye Pengawas. Nominasi 10 aje uda ribut emang ye nominasi banyak bakal diam tambah ribut tu peserte. Ane bingung masa ude pade didik tu yang ngejuri masih kagak percaye ame anak buahnye sendiri. Kalo Pengawasnye aje kagak percaye ame Juri gimane pesertenye. Pokoknye tahun 2016 stop lombe aman kite lomba kualitas setuju kagak nie peserte lombe.
