Katanye Bang Kicau…
Geli aje ane liat leher ampe mau putus tu neriakin burung ampe kalah teriak nye burung.
Emang konser musik kali ye untungnye ape..?
Emang kalo teriak burung nye bakal menang kagak bakalan coiii…
Emang kalo pade teriak ampe urat leher mau putus ngaruh gitu ame Juri…?
Ya kagak bakalan, Juri ngeliatin burung yang kerje ngapain dengerin teriakan elu pade. Ane selalu perhatien tu peserta aje gile burung diem mulutnye ikut diem.. Burung nye bunyi teriak kayak tarzan kota ane berani taruhan tu yang teriak burungnye kerjanye pasti kagak dari awal. Sebenarnye kalo nyadar yang rugi yang teriak kenape ane bilang gitu?
Gimane die mau dengerin tuh burung ame dengerin burung lawan kalo kalah tu mulut monyong-monyong protes. Kayak ane kagak tau aje anekan selalu perhatiin tu lomba gaya-gaya tukang protes ane juga tau. Burung yang kerjanye separuh jalan tu yang monyong-monyong protes kalo burung nye kalah.
Kenape kagak kite belajar diem ame liat tuh burung kan jadi jelas dimane kalahnye burung kite ama yang lain. Ane jujur aje tuh yang teriak dilomba burung keliatan kampungannye.. Biasa jadi kondektur terminal makanye mulutnye celometan kagak bisa diem.
Ayo semua pade mulai sekarang kite lomba jadi orang parlente dikit donk coii.. kayak orang borju jaim gitu..
