Ane bukan mau nyindir ame Juri tapi ane tau peris ni gelagat Juri kiloan. Kadang ane ampe sedih ngeliat saudara ane Kicaumania pulang mukenye ditekuk. Ape lagi tu burung kerje tapi kagak ditoleh-toleh acan ame tu Bapak Juri.
Ane kasih tau ame semua Kicaumania kayak ape sih tampang muke Juri yang ude jadi Jurig. Biasanye die Juri merangkap tukang jual burung nie. Sok kayak tukang jual obat dipasar pagi kalo uda promoin tu burungnye. Kenape ane bilang Juri ribet pasti Juri yang tukang jual burung.
Ye pasti ribet die pas burung yang dibeli dari die digantang die tugas burung kagak jalan.. ribet die.. Sangking ribetnye die Harakiri dari pade duit diminta balik ame yang beli burung die tancepin aja bendera. Tuh gile kagak yang kayak ginian kalo kite lomba burung.
Makanye Juri yang punye kelakuan ginikan same dengan kelakuan Jurig. Ee Akang Juri lu pade kerje juga dikasih duit jangan elu pade tipu Kicaumania. Elu pade Juri bisa bayangin kagak kalo lomba ude kagak ade yang datang karena kelakuan bejad lo.. Elu mau ngejuri dimane.. ? dikuburan Tanah Kusir ape..? Ee Juri lu cari makan buat anak bini jangan keluarge disuapin uang haram gitu.
